1 мај- Денот кога сите заслужуваме одмор

Први Мај кај нас па и низ светот, е познат по тоа што е ден кога секој еден може конечно да "живне" од работата и едноставно да им се препушти на своите задоволства. Не постои човек кој не би сакал барем еден ден да ги запостави своите должности и да ескивира. Епа, ова е тој ден.

Овој ден има свој почетокот назад во 1886-та година, кога стотина илјади работници од Чикаго излегле на улица за да протестираат. Тие сакале да им се прифати 8 часовно работно време, што во тој период било невозможно. На 1 и 2 мај, немало никакви физички пресметки, но тоа било т.н. затишје пред бура, бидејќи веќе на 3 мај настанале физички пресметки помеѓу оние кои биле членови на синдикатот и оние кои не биле. По некое време полицијата ги смирила работниците така што на крај биле убиени 4 членови на синдикатот, а многумина биле повредени. 

Изиритирани од сето ова, група на анархисти на чело со Август Спајс и Алберт Парсонс, решиле да организираат протест, но тој завршил лошо бидејќи пред крајот на самиот протест некоја личност(чиј идентитет не бил познат) фрлила бомба каде биле убиени 7 луѓе а ранети биле 67 полицајци. Тоа се случило точно на 4 мај. За овој настан, многумина сметаат дека бил наместен од некој полицаец за да би изгледало дека анархистите употребуваат насилство, но за вистинската причина, нема да зборуваме. 

По некое време, во 1889, на Првиот Интернационален конгрес, била донесена одлуката: " Први мај да биде заеднички празник на сите земји, со којшто се означувало единството на сите работнички класи насекаде во светот."

Па затоа во име на целиот наш тим им посакуваме среќен празник на сите работни класи низ светот. На оние кои успеале во добивањето на нивните права, но и на оние кои сѐ уште се обидуваат во тоа. 

Емилија Петреска

Меѓународен конкурс – одлична прилика за сите оние кои пишуваат

Драги читатели, доколку некој од вас умее добро да пишува поезија или проза, а не се сомневаме дека има доста такви, еве еден интересен меѓународен конкурс на кој би можеле да се пријавите.

Прв меѓународен фстивал на поезија и кратки приказни „Раде Томиќ“.

Категории: основци-поезија, основци-кратки приказни, средношколци-поезија, средношколци-кратки приказни, категорија до 30 години-поезија, категорија до 30 години-кратки приказни. А краен рок за пријавување е 10 Јуни 2012 година и тоа на следнава електронска адреса: stojan.simic.krpica@gmail.com, а за оние кои можеби немаат или не сакаат да користат e-mail може да испраќаат и по обична пошта и тоа на следнава адреса:

-  Прв и меѓународен фестивал на поезија и кратки приказни „Раде Томиќ“
(за конкурс) Стојан Симиќ, Марка Милјанова 18/39 Нови Сад, Република Србија, односно: 

- Prvi i međunarodni festival poezije i kratke price  "Rade Tomic"
(za konkurs) Stojan Simic Krpica Marka Miljanova 18/39 Novi Sad Republika Srbija.

Право на учество имаат сите деца, средношколци, студенти и младинци до 30 години од земјите на поранешна Југославија и земјите од светот.

Творбите до три песни, односно до три кратки приказни да се испраќаат до 10 Јуни 2012 година во три примероци за оние кои испраќаат по пошта, а еден примерок за оние кои испраќаат по e-mail. Потребно е да се наведат информации за ученикот: име, презиме, адреса, телефон, e-mail. А за младинци до 30 години потребна е и кратка биографија.

Сите учесници мораат да потенцираат во која од погоре наведените категории конкурираат: ученици во основно образование-поезија, ученици во основно образование-кратки приказни, средношколци-поезија, средношколци-кратки приказни, студенти или младинци до 30 години-поезија, студенти или младинци до 30 години-кратки приказни.

Помисливте дека е тешко, па дури и невозможно да освоите било што на меѓународен натпревар?! Воопшто не се оптеретувајте со такви мисли, а за охрабрување ве информираме дека две учеснички од Неготино се здобија со второ место во различни категории на претходните конкурси објавени од истово место. Поточно Елена Данова се здоби со второ место во категоријата средношколци-поезија на меѓународниот конкурс „Јоан Флора“, а Емилија Петреска доби второ место во категоријата средношколци-кратки приказни на меѓународниот конкурс „Михаел Бабинка“. Се надевам дека ве охрабривме да се пријавите и да конкурирате, па којзне можеби вие сте квалитетот кој се бара! :)

LENA

IQ тест - проверете ја вашата интелигенција

Еве еден тест за откривање на вашето ниво на интелигенција. Тестов е креиран од македонци кои воедно повикуваат доколку некој ја пробие лозинката за откривање на прашањата да им се јави затоа што се секогаш отворени за соработка со интелигентни луѓе. :)

Ние овој IQ тест го позајмивме, а вие само кликнете на овој линк за да ја проверите вашата интелигенција!
Ве предупредуваме, не е воопшто лесно, но едноставно е! :)


Подготви: Елена Данова, LENA

Ден на поштарско-телеграфските работници на Македонија

Денес, 22 Апри е ден на поштарско-телеграфските работници на Македонија.
На денешен ден 1920 година поштарите во Македонија стапија во штрај. Оттогаш овој ден  е ден на македонските поштарско - телеграфски работници.



Подготви: Елена Данова, LENA

ДЕН НА ПЛАНЕТАТА ЗЕМЈА

        Таа е изворот на сите постоечки ресурси, таа е нашиот дом, наша мајка, наше легло и вечно скотвиште! Каде и да се наоѓаме, во неа сме. Таа е се' што имаме, а во еа е се' што поседуваме! Таа е наш дар, а ние сме само зрнце песок во нејзината големина. Таа не е само припадност на човекот, таа е дом на сите живи суштества, на се' она што се зачнува, расте и се развива според нејзините необични природни правила! Планетата Земја е на сите!
      Да ја возљубуваме и да ја воздигнуваме до нејзиното заслужено место во нашата свест и нашиот разум!

      Ден на Планетата Земја, 22 Април! Ден за величање! Се надеваме дека ќе придонесете барем трошка во зачувувањето на нашиот најголем дом!



Фотографијата е позајмена.



Подготви: Елена Данова, LENA

Христос воскресна - Навистина воскресна

Минатата вечер православните христијани го прославија Исусовото воскресение. Вртеа околу црквата три пати со свеќи во рацете, камбаните одекнаа и се раширија зборовите
- „Христос воскресна“!
- „Навистина воскресна“!
Кој победи во кршење јајца секоја му чест, а оние кои не победија при извршувањето на овој обичај не останаа гладни. Така што и едните и другите се задоволни. Божјата радост се почувствува во секој верник! :)










Подготви: Елена Данова, LENA

From Netherlands to China by bicycle

Wycher is a cyclist from Netherlands, we met him on April 14th in the church St.George in Negotino while he was taking some photos inside the church, we would like to tell you more but then you wouldn't need to listen to the interview :)

(We apologize for the bad sound quality but we were unprepared and as you can see we recorded this with a cell-phone)
Visit his site to track his adventure.

Вашиот IQ

Сте посакале ли некогаш да дознате колкав е вашиот IQ тест? Ако навистина сте заинтересирани, ова е можност да го направите тоа. Користејќи го овој тест ќе дознаете во кои граници се движи вашиот степен на размислување и колку ве држи логиката. Тестот го позајмивме од: http://www.fakulteti.mk/news/11-04-11/iq_test.aspx . Со среќа!!!

Емилија Петреска

Празник за радост - Велигден

     За Католиците Христијани помина, а за Православните Христијани пристигнува најголемиот христијански празник Велигден. Особено значаен за помладата популација, а најособено за најмалите кои со радост и нетрпеливост исчекуваат да дојде моментот кога ќе ги чукнат велигденските јајца и „победникот“ ќе го земе јајцето на противникот. Замислете постојано да победувате во ваквата игра, ама баш постојано...  Колку јајца ќе треба да изедете...? (!!!)

       За големиот адет, бојадисувањето на јајцата има повеќе објаснувања. Една од нив е дека кога Исус Христос бил распнат на крстот, една кокошка дошла и под него снесла јајце. Крвта од лицето на Исус капела врз него и го обоила во црвено. 

Друга легенда раскажува за Дева Марија, која им давала јајца на војниците кај крстот при распнувањето на Исус Христос. Таа ги молела да бидат помалку насилни кон Исуса и притоа плачела. Нејзините солзи паднале врз јајцата и ги обележале со точки во цветни бои.рета легенда раскажува за Марија Магдалена, која отишла до гробот на Исус за да го миропомаза неговото тело. Таа носела со себе кошница со јајца, за да руча. Кога пристигнала во гробницата и ги извадила јајцата, нивните бели лушпи, за чудо, биле обоени со боите на виножитото.

         А сте се запрашале ли од каде дошол Велигденскиот зајак во сетава приказна?

Кога воделе Христос на Голгота, за да биде распнат, во толпата бил и Симеон од Кирин со двете деца. Едниот син - Руфус носел со себе зајче. По едно време крстот паднал на земјата. Потоа се слушнал детски пискот. Се покажало дека крстот паднал врз зајчето и тоа умрело. Трогателниот плач на момчето го натерал Исус да се сврти и, покрај своите маки, да го допре животинчето и да му направи крстен знак. Зајчето оживеало и исплашено побегнало. Набргу потоа се појавило под крстот на распнатиот Христос. Кога вечерта учениците отишле да го земат телото на Спасителот, тоа уште било таму, а очите му биле црвени од тага и солзи.

Постои легенда дека кога Исус Христос бил распнат на крстот, неговите непријатели го гаѓале со јајца. Но, според Божјата волја, штом тие ќе го допреле неговото тело се претворале во црвени јајца. Во чест на таквото чудо луѓето почнале да ги вапцуваат велигденските јајца црвени.

         Велигден претставува празнување на Христовото воскресение, а испикувањето под масата во црквите на денот Велики Петок претставува поминување низ гробот на Исус, масата е неговиот гроб, а вие поминувајќи низ таа маса воскреснувате, повторно оживувате, се полните со Божјата Радост.

Очекувајте не со нови содржини околу Велигден деновиве! :)

Подготви: Елена Данова, LENA

Божјо чудо пред Велигден!

На една недела пред Велигден се случи Божјо чудо во црквата Св. Димитрија во Скопје.

 

На големиот христијански празник Цветници фреските и иконите во оваа црква која била заборавена од верниците поради изведување на градежни работи околу неа,со што била непристапна за верниците, почнаа сами да ја оживуваат својата природна боја и почнаа да '' крварат''. Дури и олтарот почнал да добива боја.

Пред 45 години токму во овој православен храм е возобновена Македонската Православна Црква и овде се погребани првиот македонски Архиепископ г.г. Доситеј, и г.г Ангелариј кои исто така беше Ариепископ на МПЦ. Откако се дозна за чудото река од луѓе го преплавија овој храм.Луѓе доаѓаат од сите краеви на Македонија со цел да го видат Божјото чудо.

За ова Божјо чудо пишуваат бројни светски медиуми кои ова чудо го нарекуваат феномен.

Ваква појава била забележана и во 30-тите години на минатиот век во Русија.За народот ова е Божјо чудо ,но последниот збор ќе го има МПЦ.Сепак хемијата неможе да го објасни ова и затоа тим од конзерватори ќе го испитуваат ова.

Како и да е народот ова веќе го нарече Божјо Чудо!

Фотографиите се позајмени
Подготви: Мите Јаначков

Почитувани читатели!

             Ве известуваме дека вашите креативни текстови, поеми, стихотворби, состави, есеи, фотографии, цртежи можете да ни ги испраќате на нашатa електронска адреса: tntmagazine@yahoo.com, на нашиот фејсбук профил http://www.facebook.com/profile.php?id=100003365823537, како и на следниве електронски адреси: elena.danova@hotmail.com, ilenovi@hotmail.com, epetreska.petreska@gmail.com а ние ќе ги објавиме во списанието TNT (Teen News Thunder) и на нашиот блог: http://teennewsthunder.blogspot.com/.

             Доколку не сакате да ги испратете преку е-пошта или фејсбук, слободно можете да ги предадете на некој од членовите на младинскиот новинарски клуб TNT - Неготино. Примерокот кој ќе го предадете ќе ви биде вратен.

Можат да ни испраќаат сите без оглед на возраста и местот на живеење!

Со почит, Новинарски младински клуб ТNT - Неготино

     The Spelling Bee at the American College!!!

The National Spelling Bee Competition at the American College!!!

This year’s National Spelling Bee competition was held on Saturday, (07.04.2012)  at the American College in Skopje. There were more than 900 participants, starting from the primary schools, to the 3th and 4th year high school students, from all over Macedonia. The impressions from that day were that this year’s competition was a huge success. 

The volunteers from the Peace Corps were doing everything so that the participants could feel great. There were rooms for entertainment and also, the participants could watch interesting and funny movies.

But, the real fun started when the participant’s time to compete started. You could almost feel their hearts racing... Since there were lots of participants,   Mini Bees were organized in separate rooms, and then the finalists of each room were combined in one major room where the finals took place. By doing this the judges could do their job faster and easier. 

The greatest event of this competition was the arrival of the American ambassador Paul Wohlers. The students from 3th and 4th year High school had the opportunity to show their talent in spelling in front of the ambassador. In the end, the ambassador presented the winners with the second and first place prices.  He also gave a speech in which he said that, those who didn't win shouldn’t   be disappointed because he is very proud of Macedonia’s young generations. He even mentioned that if he was in the competing line, but, in Macedonian language, he would fail at the beginning. 

So, for those of you who didn't win anything, DON'T GIVE UP!!! You earned a big experience at this competition. Use it as your advantage next year, and there might still be  a chance for you to win.

Just to let you know that there was one participant from Negotino who won second place in the  5^th grade category. It’s the primary school student Vane Mirchev, studying at OOU “Goce Delcev” - Negotino Congratulations to him!!!

More information and photos are published on FB:
http://www.facebook.com/pages/National-Spelling-Bee-Macedonia/307677945957245

Or, on the official National Spelling Bee blog:
 http://thenationalspellingbee.blogspot.com/

Emilija Petrska

Денес е Цветници!

Празникот Цветници познат уште и како Цветоносна недела и Врбица секогаш е една недела пред Велигден и се празнува во спомен на влегувањето на Исус Христос во Ерусалим, кога неговите ученици и симпатизери со цвеќе и врбови гранки, како и со својата облека му го постилале патот.

Во Македонија овој празник се празнува различно. На пример во гостиварско Зубовце, на овој ден младите невести, девојките и девојчињата со кошници во рацете, одат на прошетка во селските ливади. Берат цвеќиња. Прават толку цветни кивчиња колку што има членови во нивната фамилија. Прават и една поголема китка за куќата која, по враќањето дома, ја оставаат пред домашната икона.

По берењето на цвеќињата и при правањето на китчињата, младите невести, девојките и девојчињата пеат:

Ајде Цвето на цвеќе, Лазаре

Цвеќе да си береме, Лазаре,

Китки да си китиме, Лазаре,

Кому китка по китка, Лазаре,

На Лазара пет китки, Лазаре.

Младите невести, девојките и девојчињата со китките во раце пеат и други песни и играат.

Подготви: Елена Данова, LENA

Христијанскиот празник Благовец

На овој ден Гаврил  се јави во архангелска светлина и `и рекол на Марија дека е одредена од Бога да го роди Спасителот.Во чест на таа блага вест што ангелот и ја пренесол на Света Дева Марија, црквата го востановила празникот Свето Благовештение, што се празнува точно девет месеци пред Божик.

Поради тоа, Благовец е благ ден. Тогаш се верува дека и раната не боли. Со Благовец е поврзано и доаѓањето на птиците преселници штркот, ластовицата, кукавицата, пупунецот и други.

Поради тоа, Благовец е благ ден. Тогаш се верува дека и раната не боли, па на малите деца им ги дупат ушите за обетки. Со Благовец е поврзано и доаѓањето на птиците преселници штркот, ластовицата, кукавицата, пупунецот и други. Се верува дека тие ќе дојдат на овој ден дури и да врне снег.
Се верува дека ако наутро гладен како што се вели на гладно срце слушнеш некоја од овие птици ќе те разбие и не ќе имаш напредок во годината. Затоа луѓето веднаш по станувањето каснувале барем еден залак леб. На Благовец саделе тикви зошто верувале дека тиквите садени на овој ден ќе бидат многу благи.

Празникот Свето Благовештение меѓу народот познат како Благовец и се смета за тежок христијански празник, поради што тогаш не се работи. Се вбројува во постојаните празници и секогаш е на 7 април. Честит именден за Благој, Блага, Благица... 

Подготви: LENA
Извор: tirekovmirece

Две театарски претстави беа одиграни за неготинската публика во Центарот за култура ,,Ацо Ѓорчев''

    По повод деновите на театарот, во центарот за култура ,,Ацо Ѓорчев'' Неготино беа одиграни две театарски претстави.

     27.03.2012 беше денот кога се одигра претставата ,,Не шетај гола''од страна на аматерскиот театар од Д.Капија. Оваа комедија беше во режија на Томе Атанасов, а улогите ги одиграа:  Томе Атанасов, Анита Младеновиќ, Димче Бањански, Вида Трајкова, Петре Пашоев и Цанко Стефанов. Целосно предадени на сцената и публиката, актерите успеаја до солзи да ја насмеат неготинската публика која потоа со насмевка го коментираше овој настан. 

Итервју од актерите и изјави од публиката
сцена од претставата 1 
сцена од претставата 2 
сцена од претставата 3 

     Два дена подоцна, на сцената се појавија и актерите од штипскиот професионален театар со претставата ,,Кара Дончо''. Милорад Анѓелов, Ефтим Трајчов Ѓаурски, Сања Арсовска и Марија Минчева со режија од Младен Крстевски, сите дипломирани актери, успеаја уште еднаш да ја насмејат многубројната публика. Директорот на овој професионален театар кажа дека нивна цел е да го вратат театарот во местата во кој веќе е подзаборавен, а тоа го прават со гостување во помалите места, одигрувајќи една од нивните комедии. ,,Кара Дончо'' -За секого и за никого, беше една поинаква театарска претстава, каква што одамна немаше видено неготинска публика, па токму затоа салата беше полна и до последнито место. Оние кои го сакаат и ценат театарот, по завршувањето на двете комедии во организација на општина Неготино, само додадоа дека се надеваат дека ваквите случувања ќе бидат се' почести во Неготино.

           За жал се покажа дека требало да се постави некоја солидна цена на влезниците за да се спречи присуството на оние кои не умеат да ја ценат театарската уметност. На моменти актерите беа многу исфрустрирани поради претераното некултурно однесување на поголемиот дел од публиката.

           Еве што изјавува A.Theo за TNT во врска со претставата „Кара Дончо“: „И покрај несоодветната публика која што беше дошла да грицка семки, да зборува за смс-пораките и телефонските повици, да го издемонстрира спротивното од бон-тонот, етиката и естетиката, сепак не успеа да влијае ни за момент за да ја растури играта на добро спремните актери кои што дадоа дури и повеќе од потребното: од страна на игра и од страна на енергија. Во самата претстава беа отсликани многу проблеми од денешницава, со што се соочува денешниот човек во ова социјално општество и како продолжува да ужива во сите пречки кои што му наидуваат без да превзема никакви чекори за спречување или искоренување на истите. Имаше многу пријатни моменти во самата претстава затоа што самите ситуации беа претставени преку смеа и шала, преку комичното. Интересна актерска поврзаност, добра комуникација не само помеѓу составот на тимот, туку и со публиката. Искрено од срце им посакувам на актерите уште многу, многу претстави.“

      Овде можете да ги погледнете фотографиите од интервјуата со актерите во претставата ,,Кара Дончо'' и дел од сцените.

интервју со актерите :)

   Подготовка: Билјана Толкова, Елена Данова, Диме Данов, Ѓоке Зајо Јованов, Стефан Андов

Мистериозната смрт на Мерлин Монро

Мерилин Монро, родена како Норма Џин Мортенсон на 1 јуни 1926, но крстена и одрасната како Норма Џин Бејкер е американска актерка, пејачка и модел.

Откако минува голем дел од своето детство во згрижувачки семејства, Монро ја започнува својата кариера како модел, по што, во 1946 година, го склучува својот прв филмски договор. Со Златен глобус, Монро се закитува за својата изведба во Некои го сакаат тоа жешко (1959).

Животот, кариерата и сѐ околу Монро е драматично, контраверзно, но провокативно за целата јавност. Како животот, така и нејзината смрт пред 50тина години предизвикала огромни контраверзии и кренала висока прашина. Дали се работи за самоубиство или убиство... Заклучено е дека е самоубиство, но како што оди времето, така сѐ повеќе се докажува тоа дека нејзината смрт е добро прикриено убиство.

Биографите пишуваат дека Мерилин Монро имала секс не само со Џон, туку и со неговиот брат Роберт Кенеди, како и зетот Питер Лофорд. Година дена пред атентатот на претседателот Џон Кенеди, во периодот помеѓу 27 и 29 јули 1962 година, Мерилин за последен пат оди во вилата на езерото Тахо. Таму има мистериозна средба со Питер Лофорд, зетот на Кенеди. Лофорд, притоа, ја убедува дека веднаш треба да ги прекине сите контакти и врски со Џон Кенеди, како и со неговиот брат. Според биографите, Мерилин Монро на таа средба била дрогирана.Мерилин Монро не криела дека има врска со Џон Кенеди, кој бил во тоа време претседател на САД. Била ѕвезда во Холивуд, и миленик на џет сетот во тоа време.

Последната година пред смртта Мерилин Монро имала врска и со Френк Синатра. Преку Питер Лофорд и неговата сопруга Пет Кенеди, воспоставила врски и била гостин на забавите на Кенедиеви. И податоците на ФБИ покажуваат дека таа имала мошне блиски   односи во тој период со браќата Џон и Роберт Кенеди.

Крајот на Мерилин Монро, љубовница на американскиот претседател Кенеди, се случувал во времето кога опозицијата и дел од медиумите, веќе започнале кампања за дискредитација на претседателот Кенеди и неговата врска со Мерилин Монро.

Нејзината смрт е мистерија за чие покривање на податоците работеле и ФБИ и ЦИА во тоа време, според биографите се случувал според следните податоци:

- Ли Стразберг, нешто по 22 часот, на 4 август 1962 година пристигнал во Брентвид, во куќата на Мерилин Монро. Таа била под силна доза на пилули за спиење, и не била во можност да разговара. Наводно, заради тоа, била пренесена со амбулантна кола во блиската болница. Но, додека била отсутна, според очевидците и соседите, во нејзината куќа влегле лица од обезбедувањето на претседателот Кенеди, и според подоцнежната истрага, по нивната посета исчезнале дневникот на Мерилин Монро, како и многу фотографии и прибелешки кои таа ги имала во куќата.

По болничкиот третман Мерилин Монро е вратена дома. Умира токму таа ноќ, на 5 август. Нејзината домашна помошничка Јунис Муреј ја алармирала полицијата ноќта околу 3 часот и триесет минути дека нешто лошо се случува со Мерилин Монро. Психијатарот на Мерилин Монро дошол рано наутро кај неа, ја обил вратата и ја нашол Мерилин Монро како лежи на својата постела, гола со лицето кон постелата. Смртта е констатирана во четири часот и 30 минути, ноќта на 5 август.

Полициската белешка вели дека е најдена како лежи со лицето кон постелата, а во раката држи телефон. До неа имало кутија со апчиња за спиење кои, наводно, се причина за смртта квалификувана како самоубиство. Но, лекарите напишале дека самоубиството со барбитурати не завршува така, дека телото завршува со грч и не е можно да настапи смрт во таа положба. Сметале дека треба да се испита сомневањето дека некој друг ја поставил во таа положба. Сомневањето не е испитано.

Смртта на иконата на филмскиот, но и на останатиот свет, Мерилин Монро, била добродојдена за многумина. Стасала како порачана.
Дали смртта на Мерилин Монро и навистина била порачана од некого? Одговорот не е стасан до ден-денес.

Еве како Мерлин Монро му го честита роденденот на тогашниот претседател Кенеди

Подолу погледнете повеќе фотографии од Мерлин Монро... :)

                                                    Подготви: Елена Данова, LENA

Априли ли лиииии! :Р

Подготви: Елена Данова, LENA