Скара, ладно пиво и добра музика.
Звучи познато? Ова како целина го има
само на Пивофест 2012 во Прилеп!
На плоштадот каде
што и се одржуваше манифестацијата не пречекаа бројни штандови со пиво и скара,
додека во позадина го слушавме одјавувањето на водителите и најавата за
претстојната вечер.
Честа да го отворат ова десето јубилејно издание на Пивофест, им припадна на нашите тетовчани Conquering
Lion кои ја подгреjаа атмосферата за Ras Zacharri
од Јамајка! И наеднаш нешто се
случи... Капки дожд ни се разлеjаа по лицата, косата и облеката ни беа мокри.
Сите помислија дека атмосферата ќе „спласне“ и програмата ќе биде пропратена од
под некоја стреа или дрво. Но не! Сите останаа пред сцената. Играа и пееја заедно. Никој не се помрдна да оди
некаде, плашејќи се дека местото ќе му биде зафатено. Со игра и песна му се
спротивставувавме на дождот, па на крај тој мораше да престане. 
Следни беа
ѕвездите на вечерта. С.А.Р.С. од Србија и Дубиоза Колектив од Босна и
Херцеговина. Залудни ќе бидат зборовите потрошени на опишување на атмосферата
додека тие растураа на сцената. Едноставно треба да се биде таму!Оваа статија ќе ја завршам исто како што ја започнав: скара, пиво, музика, дожд... Што уште посакувате да се случи за да присуствувате? Пивофестот е во тек, фатете барем малку од она што го испуштивте.
Сања Станкова
No comments:
Post a Comment