Мојата љубов е моја ѕвезда, мој остров, моја приказна

За љубовта пишувале врвни поети, писатели, психолози, филозофи. Тема вечна-непресушна. А сè уште е неоткриена и необјаснета нејзината волшебност, нејзината силна магија над магиите. Љубовта со својата моќ поведува војни, повикува на двобој. Дури и Пушкин, поетот на љубовта, згасна во двобојот за својата љубена. И љубовта го бранува светот, како потресите од Вертер.

Заљубените ги носи на своите крила на седмо небо. На вљубените им подаррува небесни, виолетови насмевки на лицето. Насмевка која блеска и одблеснува како сонцето од огледалото. А од очите им светкаат ѕвезди кои ги грее и охрабрува. Тие се како расцветани цветови. Погледите ја откриваат тајната на заљубените и вљубените. Видливо се открива кој во која е заљубен, поточно која во кого е вљубена, љубовта е најубавото нешто во животот. Состојба кога срцето и разумот стануваат најдобри пријатели. Затоа љуби затоа што љубовта е нешто што не може секој да го има и уживај во твоите чувства од милина.

Љубовта несопирлива низа светски поети, писатели, драмски автори ги возвиши до ѕвездите и ги круниса со ореол на вечна слава. Франческо Петрарка со љубовните сонети посветени на Лаура ја разбрани Италија и светот. Вилијам Шекспир со љубовните драми сè уште ги бранува театрите низ светот. Љубовта нè поведува низ патот кон блесоците и успешните подвизи низ животот.

Пулсира љубовта со големото срце на заљубените. Испреплетена со емоции, чувства, огнени и бурни страсти, болни копнежи. Таа е често променлива така што може од сончевина да премине во мрак. Се нижат противречни настани, девојката и дечкото се неразделни, се држат за раце, се прегрнуваат, а потоа оган се распламнува се разделуваат. Убавицата огорчена од љубовта е како принцеза облечена во широк бел фустан со блескава круна на глава, седи сама, сама без својот принц.


Автор на овој текст е нашата пријателка Ивана Поповска од Пехчево.