Мода

            Биди секогаш убаво облечен

Освен што акните и гласот, кој полека почнува да се менува, секојдневно ти создаваат главоболки, те мачи и изборот на облека. Постојано мислиш дека се издвојуваш oд другарите или дека не се вклопуваш. не грижи се, ова не е некој голем проблем. еве неколку совети што ќе ти помогнат како да ја избереш совршената облека.

Облеката треба да биде удобна. Купувај облека во која се чувствуваш пријатно кога ја носиш. Понекогаш се случува да направиш грешка при изборот и да купиш нешто што е убаво, а кога го носиш се чувствуваш непријатно. Затоа е важно никогаш да не одбираш облека која е убава само на изглед, внимавај таа да биде пријатна за носење.

Направи некој моден исклучок. Секојдневно си облечен во фармерки и најобична маица или дуксер. Сите те познаваат по изгледот, но зошто не се обидеш барем еднаш неделно да облечеш нешто поразлично? Еве ти еден добар пример, облечи многу широки панталони со џебови или маицата замени ја со кошула во некоја светла боја.

Немој слепо да ја следиш модата. Ова веројатно нема да биде тешко. Оваа сезона можеби зелените панталони се хит, но за неколку месеци тие веќе ќе бидат заборавени. Затоа сети се дека најдобро мерило, без разлика на тоа што е модерно а што не, е твојот личен стил.

Облекувај се според пригодата. Во фармерки можеш да одиш на училиште, но за некои други пригоди треба да одбереш малку покласични панталони, ако ништо друго, барем црни.

Внимавај на боите. На ова посебно треба да внимаваш ако не сакаш да изгледаш како да си облечен за на маскенбал. На пример, ако имаш шарена маица, одбери еднобојни панталони и обратно. Немој да комбинираш маица во риги со панталони кои имаат кругови. Исто така внимавај да немаш многу бои на себе, одбери едно парче облека и според него одбери ги останатите.

Чистотата е многу важна. Погрижи се да биде чисто и испеглано. Прешироката облека не е многу привлечна, а особено не панталоните од кои ти се гледа долната облека. Иако се многу модерни, во нив треба да изгледаш уредно.

Совети плус:

*доколку носиш ремен, тој треба да биде иста боја со патиките или чевлите.

*Ранецот е важен додаток, па внимавај барем малку и тој да се вклопува со боите на облеката. Најдобро е да одбереш црн ранец, така тој ќе се вклопува што и да облечеш.

*Кога носиш кратки панталони, носи кратки чорапи до глужд. Исто така, ако носиш сандали или влечки, заборави на чорапите.

*Во последно време, модерни се и додатоците. За да го надополниш својот изглед, одбери интересна марама, синџирче или часовник.

*доколку не си сигурен за комбинацијата што планираш да ја облечеш, посоветувај се со сестра ти/мајка ти или со некоја другарка.

                                                                  

                                                                                           Македонка Смилкова

Knitted clothes are an excellent  choice for cold winter days!

     Sweaters with a high collar can be worn with black trousers or jeans. Yellow or brown, these sweaters are modern this winter for girls and for boys…

 Sweaters with cartoon heroes are popular this winter. You can wear this jumper at school or in the café, and you will look fashionable. White scarf – a warm and fashionable accessory in the cold winter days.

                                                                                        Изработка

Билјана Толкова